vanguardablogaddress.blogspot.com

Tuir   meta Planu Estratéjiku Dezenvolvimentu   iha 2015, Governu tenke harii povu nia uma hamutuk 55.000 ne’ebé espalla iha Timor laran tomak iha ambitu Progama Objetivu Dezenvolvimentu Mileniu ba suku sira. Saida mak akontese?   Governu CNRT harii fali uma prefabrikadu hamutuk 3591 de’it.   At liután maioria povu lakohi hela tanba la tuir sira-nia nesesidade. Uma prefabrikadu ne’e   iha tempu manas sei manas liu no iha tempu malirin sei malirin liu.   Governu CNRT habokur de’it kompania ne’ebé laiha responsabilidade. Tuir relatiriu Tribunal de Contas nia Governasaun CNRT hasai $145 milloens maibe uma sira ne’e ohin loron barak mak dodok no   hela fatin ba animál sira. Governu FRETILIN sei hadi’ak uluk uma hamutuk 24.000 iha Dili no munísipiu sira no sei harii uma foun hamutuk 55.000 ho konseitu integradu sosiuekonómiku agrikola ba komunidade sira. Timor-Leste Labele Hein Tan! Oras to’o ona. Vota ba FRETILIN

Tuir loloos Governu lideradu husi CNRT ne’ebé kaer ukun durante tinan 10   tenke fó asisténsia saúde ba inan isin rua, molok bebe moris   to’o 70 % iha tinan-2015, maibé realidade Governu la atinji meta ne’ebé defini tiha ona iha Planu Estatéjiku Dezenvolvimentu. To’o iha 2016 inan isin-rua ne’ebé hetan benefísiu husi asisténsia saúde durante bebe iha kabun laran, mínimu dala haat molok hahoris foin mak atinji   53 %. Maski ho osan barak mai husi rezultadu serbisu Governu FRETILIN liuhusi Fundu Petrolíferu   no estabilidade ne’ebé FRETILIN garante, Governu ne’ebé kaer ukun husi 2007-2017 falla atu atinji meta ne’ebé defini iha Planu Estratéjiku Dezenvolvimentu.   Sira sei merese hetan povu nia fiar? Governu CNRT Falla Fó Imunizasaun ba labarik tinan-5 mai kraik too 90 % iha 2015 Governu ne’ebé kaer ukun tinan sanulu liuba tuir loloos iha tinan-2015 labarik sira ho tinan-5 mai kraik hetan ona imunizasaun kontra poliomielite, sarampu, tuberkulose, ...

Foin tinan-sanulu-resin-ida liuba, memória   krize 2006/2007 sei matak hela iha ita-nia kakutak. Ema hotu la imajina, timoroan bele oho malu fila fali, hafoin liuhusi luta naruk ida hasoru okupasaun Indonesia durante tinan-24.     Luta ba independénsia nu’udar afirmasaun luta ba demokrasia no ita hotu hakribi violénsia.   Maibé, situasaun violentu   mosu fila fali tanba lider ida soran timoroan husi lorosa’e no loromonu ne’ebé rezulta ema barak lakon   vida, uma no sasan. Liu   dekada ida ona maibé to’o ohin loron vítima barak mak seidauk bele rekupera husi aspetu ekonómiku no sosiál. Ema hotu hakarak katak esperiénsia fahe povu Timor sei la repete tan iha futuru. Maibé ida ne’e mak lider ne’e nia estratéjia hodi hetan podér,   polítika hafahe atu ukun ho dalan manipulasaun.   Uza meius hotu-hotu nesesáriu hodi hetan ukun, o fim justifica os meios, hanesan Machieveli hateten. Iha krize 2006/2007 lider ne’e fahe lorosa’e no loromon...

Ministeriu Turismu iha Governu Anterior ne’ebé lidera husi Partidu CNRT, liliu Ministru Turismu   Sr. Kalbuadi Lay laiha kapasidade atu lidera Ministeriu Turismu tanba realidade durante tinan 10 Ministeriu Turismu kontinua hakdasak iha fatin.   Ezenplu iha iha livru 2, Planu Asaun Annual Orsamentu Geral Estadu 2017, iha pagina 259 , Ministeriu Turismu e Cultura hatete katak, Desenvolver infrastruktura turistika culturais iha area turistika, hanesan atu halo projeitu infrastrutura turistika rezistensia iha iha Baucau Lospalos maibé realidade implementasaun ZERO. Entertantu iha livru númeru 3-A iha pagina 18, Fundus Infrastrutura, Orsamentu Geral Estadu 2017 hatete katak, IHA MINISTERIU TURISMU EJISTE 13   HUSI PROJEITU 13 NE’E, PROJEITU 5 MAK KONKLUI ONA MAK HANESAN PROJEITU JARDIN NO MONUMENTU CPLP LIFAU OECUSSE MAIBÉ REALIDADE PROJEITU JARDIN LIFAU NE’EBÉ OBRA KAER HUSI GOVERNU CENTRAL MINISTRU TURISMU LIDERADU HUSI EIS MINISTRU KALBUADI LAY TO’O AGORA ABAN...