Governu CNRT falla iha seitor Saude
Tuir loloos Governu lideradu husi CNRT
ne’ebé kaer ukun durante tinan 10 tenke
fó asisténsia saúde ba inan isin rua, molok bebe moris to’o 70 % iha tinan-2015, maibé realidade Governu
la atinji meta ne’ebé defini tiha ona iha Planu Estatéjiku Dezenvolvimentu.
To’o iha 2016 inan isin-rua ne’ebé hetan benefísiu husi asisténsia saúde
durante bebe iha kabun laran, mínimu dala haat molok hahoris foin mak atinji 53 %.
Maski ho osan barak mai husi rezultadu
serbisu Governu FRETILIN liuhusi Fundu Petrolíferu no estabilidade ne’ebé FRETILIN garante,
Governu ne’ebé kaer ukun husi 2007-2017 falla atu atinji meta ne’ebé defini iha
Planu Estratéjiku Dezenvolvimentu. Sira
sei merese hetan povu nia fiar?
Governu
CNRT Falla Fó Imunizasaun ba labarik tinan-5 mai kraik too 90 % iha 2015
Governu ne’ebé kaer ukun tinan sanulu liuba
tuir loloos iha tinan-2015 labarik sira ho tinan-5 mai kraik hetan ona
imunizasaun kontra poliomielite, sarampu, tuberkulose, difteria, no hepatitis
B. Maibé, Governu la fó prioridade ba imunizasaun labarik, tan ne’e foin 71 %
labarik sira ho tinan-5 mai kraik foin hetan imunizasaun.
Maski ho osan barak mai husi rezultadu
serbisu Governu FRETILIN liuhusi Fundu Petrolíferu no estabilidade ne’ebé
FRETILIN garante, Governu ne’ebé ukun la atinji meta ne’e. Sira sei merese
hetan povu nia fiar?
Governu
CNRT Falla halo Unidade Saúde iha Munisípiu iha asesu ba be moos no saneamentu to’o
90 % iha 2015
Governu ne’ebé kaer ukun durante tinan
sanulu ho osan barak liu maibé edifísiu sira iha Munisípiu seidauk iha be moos
no saneamentu ne’ebé tuir loloos atinji 90 % iha 2015 (PED). Maibé, to’o iha
tinan 2016 foin 50 % mak iha asesu ba be moos no kondisaun bázika saneamentu.
Ne’e signifika Governu CNRT ne’ebé kaer
ukun durante tinan sanulu, maski ho osan barak,
la fó prioridade ba edífisiu saúde sira iha munisípiu too nivel suku
nu’udar kondisaun mínima atu pesoál saúde no povu bele hetan asisténsia di’ak
liu. Tanba nesesidade bázika povu nian laos prioridade Governu ninian. Sira sei
merese hetan povu nia fiar?
Komentar
Posting Komentar