vanguardablogaddress.blogspot.com

Espekulasaun oioin mosu iha publiku dehan  VII governu sei monu tanba ukun ho minoria kadeira 30 (FRETILIN ho PD) no opozisaun mak maioria fali iha Parlamentu Nacional ho kadeira 35 (CNRT, PLP, KHUNTO), maibé kuandu governu minoria 30 kadeira monu seraque governu maioria ida mosu fali kommpostu husi CNRT,PLP, KHUNTO mos sei metin. Ema balun laran metin hela  VII Governu sei monu tanba  opozisaun iha Parlamentu Nacional CNRT, PLP, KHUNTO sei vota kontra ba orsamentu  geral estadu ne’ebé sei aprezenta husi Governu. Tanba sira reza hela artigu 112 alina D, ne’ebe hatete Governu ida hetan demisaun bainhira Governu nia programa hetan rejeisaun dala rua iha Parlamentu Nacional. Maibé sira haluha katak, VIII Governu Konstitusional mos  sei monu bainhira Presidenti da Republika veta politika ba Orsamentu Geral Estadu. Tanba aliña segundu no terseiru  artigu 88 Konstituisaun RDTL mos hatete momos katak, bainhira Presidenti da Repúblika  veta ba lei ruma no husu apresiasaun foun n

Parlamentu Nacional 26 Setembru 2017, Halo eleisaun hodi hili membru Konsello Estadu hamutuk nain lima (5) ho votu afavor 59, kontra zero no apstensaun 2. Membru Konsellu Estadu sira ne’e, kompostu husi : Sra. Aurora Ximenes (FRETILIN), Sr. Virgilio da Costa Hornay (PD), Sr. Virgilio Smith (CNRT), Sr. Andre Belo ‘L4’ (PLP), Sr. José do Santos Naimori (KHUNTO). Konsellu Estadu ne’e kria bazeia ba artigu 90 Konstituisaun RDTL katak, Konsellu Estadu ne’e Presidenti da Repúblika nia órgaun ba konsulta polítika, ne’ebé nia (PR) rasik ma prezide. Entertantu Parlamentu Nacional mos halo eleisaun ba Konsellu  Fiskalizasaun Servisu Nacional Informasaun (SNI), ho votu afavor 59, kontra zero apstensaun 4. Konsellu Fiskalizasaun Servisu Nacional Informasaun (SNI) lista unika kompostu husi Deputadu Antoninho Bianco (FRETILIN), Deputadu Duarte Nunes (CNRT).

Plenaria 25 Setembru 2017, Kamarada Deputada Gabriela Alves hatete, Parlamentu Nacional nudar fatin atu bele konsulidade diverzensia ideia hodi bele responde ba nesesidade povu nian, laos fatin hasai lia fuan sira ne’ebé halo povu sente ameasas  ba sira nia moris. “Parlamentu Nasional hanesan orgaun importante ida, bele konsulida diverzensia ideia, hodi hatan ba nesesidade povu nian la tenpu badak no tenpu oin mai,” dehan Kamarada Gabriela iha Plenaria. Povu iha baze, tuir Kamarada Gabriela  preokupa tanba  durante tinan tolu ba sira hare PN nudar fatin solusiona problema  no lao ho diginu no solidu tebes, maibé iha legislatura ida PN sai fali hanesan fatin konfrontativu no susar atu hetan solusoens. TL ukun an tinan 15 povu barak seidauk sente benefisiu husi ukun an ne’e, tanba ne’e agora tenpu atu liberta povu husi kiak no mukit hodi atinji objetivu libertasaun povu. Parlamentu Nasional tuir artigu 92 konstitusaun RDTL katak, PN mak Repúblika Demokratika Timor Leste, orgau

Plenaria Parlamentu Nacional loron 25 Setembro 2017 , Deputadu Bankada FRETILIN Kamarada David Dias Ximenes Mandati husu Governu Timor Leste   halo aprosimasaun ho Governu Indonesia atu hatudu ruin Heroi Luta Libertasaun Nacional ne’ebe mak Militar Indonesia sira oho iha tenpu okupasaun durante 24 nia laran. Kamarada Mandati foti kestaun ne’e, relasiona ho relasaun amizade nasaun TL ho Indonesia ne’ebé diak tebes, liliu liga ho vizita Komandante Forsa Armada Indonesia nian mai  TL hodi vizita semiteriu militar Indonesia iha Timor Leste. “Sira (Indonesia)  mai ona buka no hadia rate sira ne’e. Karik bele, Presidenti Parlamentu Nacional hato’o ba Governu atu besik ba Governu Indonesia, Timor oan sira ne’ebe mate ( iha tenpu okupasaun Indonesia). Kalkalan sira lori sai, lori subar ba oho iha ne’ebé ita la hatene,” dehan Mandati iha Plenaria. Heroi Nasional TL nian, tuir Mandati barak to’o ohin loron seidauk hetan sira nia ruin, hahu husi Heroi nasional Nicolaú Lobato to’o masakre

Atu resposta ba Jurista Melio de Jesus Akademiku Lisensiatura  de Direitu Administrasaun Estadu Muhandyah Malang Indonesia no Jurista Facebook, hafoin akompaña iha media social no eletronika ne’ebé kontinua kestiona nomeiasaun Primeiru Ministru VII Governu Konstitusionál ne’e  dehan inkonstitusionál. Hanesan sidadaun Timor Leste laos Jurista ou hasai kursu bo’ot maibé hakarak uza mos hau nia direitu ne’ebé garantia iha Konstituisaun RDTL artigu 40 ne’ebé koalia konaba liberdade ba expresaun no informasaun hodi resposta Jurista akademiku bo’ot sira nia hanoin. Hanesan artigu 106 alina 1 hatete ‘ Partidu ne’ebé hetan votu barak liu ka partidu sira ho aliansa ho maioria parlamentar mak hatudu Primeiru Ministru no Presidenti da Repúblika maka nomeia, rona tiha partidu polítiku sira ne’ebé reprezentadu iha Parlamentu Nacional . Bainhira koko hare didiak esperitu husi artigu  ida 106 la sala kuandu Presidenti da Repúblika nomeia Primeiru Ministru husi partidu ne’ebé votu barak liu. Ta