VII Governu Monu Semak Garante VIII Governu Mai Metin!
Espekulasaun oioin mosu iha publiku dehan VII governu sei monu tanba ukun ho minoria
kadeira 30 (FRETILIN ho PD) no opozisaun mak maioria fali iha Parlamentu
Nacional ho kadeira 35 (CNRT, PLP, KHUNTO), maibé kuandu governu minoria 30
kadeira monu seraque governu maioria ida mosu fali kommpostu husi CNRT,PLP,
KHUNTO mos sei metin.
Ema balun laran metin hela VII Governu sei monu tanba opozisaun iha Parlamentu Nacional CNRT, PLP,
KHUNTO sei vota kontra ba orsamentu
geral estadu ne’ebé sei aprezenta husi Governu.
Tanba sira reza hela artigu 112 alina D, ne’ebe
hatete Governu ida hetan demisaun bainhira Governu nia programa hetan rejeisaun
dala rua iha Parlamentu Nacional.
Maibé sira haluha katak, VIII Governu Konstitusional
mos sei monu bainhira Presidenti da
Republika veta politika ba Orsamentu Geral Estadu.
Tanba aliña segundu no terseiru artigu 88 Konstituisaun RDTL mos hatete momos
katak, bainhira Presidenti da Repúblika
veta ba lei ruma no husu apresiasaun foun no fundamentada, Parlamentu
Nacional bele konfirma nia votu maibé tenki ho maioria dois tersos hosi deputadu
prezente sira.
Liafuan ida (maioria dois
tersos) ne’e 35 Deputadu ne’e to’o ga?
Tanba ne’e, diak liu para tiha radiu at sira ne’e,
mai ita hamutuk atu dezenvolve Timor Leste ida buras liu, tanba Timor Leste ba Timor oan hotu. Tau tiha
interese partidu no grupu iha kotuk mai hamutuk ita luta ba interese nasional,
libertasaun do povu. Abraco!
Komentar
Posting Komentar