Gatot Vizita Semiteriu TNI, Indonesia Persiza Hatudu Ruin Herois TL
Plenaria
Parlamentu Nacional loron 25 Setembro 2017, Deputadu
Bankada FRETILIN Kamarada David Dias Ximenes Mandati husu Governu Timor Leste halo aprosimasaun ho Governu Indonesia atu
hatudu ruin Heroi Luta Libertasaun Nacional ne’ebe mak Militar Indonesia sira
oho iha tenpu okupasaun durante 24 nia laran.
Kamarada Mandati foti kestaun ne’e, relasiona ho relasaun
amizade nasaun TL ho Indonesia ne’ebé diak tebes, liliu liga ho vizita
Komandante Forsa Armada Indonesia nian mai
TL hodi vizita semiteriu militar Indonesia iha Timor Leste.
“Sira (Indonesia) mai ona buka no hadia rate sira ne’e. Karik bele,
Presidenti Parlamentu Nacional hato’o ba Governu atu besik ba Governu Indonesia,
Timor oan sira ne’ebe mate ( iha tenpu okupasaun Indonesia). Kalkalan sira lori
sai, lori subar ba oho iha ne’ebé ita la hatene,” dehan Mandati iha Plenaria.
Heroi Nasional TL nian, tuir Mandati barak to’o ohin
loron seidauk hetan sira nia ruin, hahu husi Heroi nasional Nicolaú Lobato to’o
masakre sira ne’ebé akontese iha TL durante okupasaun Indonesia hanesan 12
Novenbro no seluk tan.
“Sira (Heroi Timor Leste ne’ebé mate tanba funu
libertasaun nasional) mos umanu, hatudu
mai, para ami mos bele ba buka atu halot fali iha fatin ida ne’ebé mak dignu,”
dehan Mandati.
Nasaun rua bele haluha buat ne’ebé akontese uluk maibé laos haluha ruin sira ne’ebé namkari to’o
ohin loron seidauk hetan.
Nasaun rua
servisu hamutuk, Mandati dehan, bele deskobre Heroi sira nia ruin tanba autor prinsipál
sira sei moris iha Indonesia.
“Ami husu,
ami harohan tanba ami mate sira ne’e mos ema, ami buka sira nia fatin hodi halo’ot,”
dehan David Dias Ximenes Mandati.
Komentar
Posting Komentar