Estrada Nasional , Rurál no Beé Mos Prioridade ba VII Governu

Programa VII Governu Konstitusional fó prioridade atu rehablita estrada nasional no  rurál iha teritori Timor Leste laran tomak.

VII Governu,  kompremetidu kontinua konstrusaun, rehablitasaun no manutensaun ba estrada nasional , munisipal tuir padraun internasional , kontinua infraestrutura rodaviariu nebe nesesariu no kontinua apoio dezenvolvimentu kosta sul.

VII Governu mos sei promove abordajen ba estrada ba dezenvolvimentu ne’ebé lao tiha ona tuir rekomendasaun planu mestri ba estrada rural.

VII Governu komprometidu atu hadia fornesementu Beé mos ba ema hotu.

VII Governu mos sei kontinua promove dezenvolvimentu empreza iha seitor bee no saniamentu no iha tinan lima nia laran,governu sei harii empreza municipal ba dezenvolvimentu bee no saniamentu.

Programa VII Governu mos sei atrai setór privadu atu halo parseria publika-Privada no jestaun ba konsesaun.

VII Governu Konstitusional komprometidu atu kontinua halo konstrusaun ba barajen, retensaun bee superfisial ba irigasaun inklui dessalinizasaun, konstrusaun husi rezervatoriu bee nian iha  fatin hothotu.