Programa VII Governu, Sei Halo Politika Nasional ba Hela Fatin no Kampu Servisu ba Jovens

Programa VII Governu Konstitusionál ne’ebé aprezenta husi Primeiru Ministru Dr. Mari Alkatiri hatudu katak, governu sei implementa politika nasional ba habitasaun(hela fatin ho diginidade.

Politika ida ne’e importante tanba reflekta duni nesesidade povu nian atu hela iha uma ida ne’ebé ho dignu tuir prinsipiu luta libertasaun nasional katak liberta patria no liberta povu.

Ohin loron patria liberta ona , agora tama segunda fase libertasaun do povu atu lori povu sai husi kiak no mukit, persiza programa ida ne’ebé mak reflekta povu nia nesesidade.

“Governu  sei Implementa Politika Nasionál Ba Habitasaun (Hela-Fatin) ho Dignidade ba Timor-oan Kbi'it Laek Sira,”

Atu implementa politika ida ne’e, VII Governu  iha Vice Ministru Dezenvolvimentu para Habitasaun ,  Ordenamentu e Ambiente ne’ebé responsabliza atu implementa politika ne’e.

Atu rejolve Problema dezenpregu iha rai laran, programa VII Governu mos  konxiente katak, Persija Haluan Eskola Tékniku- Vokasionál Hodi Permite Estudante Dezenvolve Kompeténsia Prátika Hodi Fasil Asesu Ba Merkadu Servisu (Laboral).

Politilka ida ne’e importante tanba atu kompete iha merkadu trabllu taun prioridade ba eskola tekniku vokasional hodi nune’e produs Jovens Timor oan sira ne’ebé mak profesional hodi bele kompete iha merkadu trabllu.

“Governu Sei Avalia Mapeamentu Eskolár, Hodi Bele Hari'i Dormitóriu (Asrama) Ba Estudantes Ne'ebé Hela-Fatin Dook Husi Eskola.

Governu mos , Sei Fasilita Hodi Hasa'e Numeru Traballdór Ba Korea Do Sul no Australia Hodi Manan Esperiénsia Profesionál No Hetan Rendimentu Hodi Ajuda Familia sira, ne'ebé Kontribui Ba Dezenvolvimentu Sosioekonómiku.

Iha rai laran , Governu  Sei Kontinua Apoia Projetu Sira Kona-Ba Empreendedorizmu Ba Ema Sira Ho Difisiénsia, Dezempregadu no Graduadu sira.

Ba Foin-sa'e Sir Sai Prioridade Ba Governu iha Dezenvolvimentu Sósiu-Ekonómiku ho Parseria Hamutuk Konsellu Nasionál ba Dezenvolvimentu Juventude iha Area Ortikultura, Pekuária, mekánika, elektromekánika, Karpintaria .