Korruptor mak Inimigu Foun Povu Timor Leste, Semak Defende Nia Inimigu Povu Nian!!!!!!!!!!

Iha públiku, sai debate  relasiona ho desizaun Prezidenti da Repúblika Dr. Francisco Guterres Lú-Olo wainhira husu atu konsidera fali no tetu razaun tanbasá mantein ema sira ne’e nia naran iha lista membru VIII Governu konstitusional?

Ohin iha Timor-Leste ema koalia liu liafuan ida ‘Praduga tak bersalah’ hodi defende  korruptor sira  hodi ignora totál integridade no kredeblidade Estadu ida ne’e nian.

Kandidatu membru governu VIII Governu balun hasoru hela justisa maske Tribunal seidauk hasai desizaun finál  ba kazu hirak ne’e, maibé kestaun integridade no krediblidade Estadu tenki haré no deskute molok fó posse,  tanba sira nia diginidade la ás liu dignidade Estadu nian.

Primeiru Ministru atuál Excelentismu José Maria Vasconselho (TMR) iha Postu Administrativu Laga, Municipiu Baucau iha loron 13 Jullu 2017, hatete katak iha tinan 15 nia laran ema barak hatama osan ba bolsu laiha ema ida mak brani koalia hasoru , bainhira (PLP) moris lidera husi TMR naokten barak tuur la hakmatek.

Iha públiku Primeiru Ministru rasik deklara, “VIII Governu Konstitusionál labele involve ema sira ne’ebé kazu kona,”

Maibé iha loron 26 Juñu 2018, ístoria sai oin seluk Primeiru Ministru José Maria Vasconselho rasik  kontinua mantein kandidatu membru Governu ne’ebé  iha interogativu (?) laran.  Ohin korruptor Hamnasa tanba sira iha potektor ida atu salva sira, korruptor ikun naruk atu naok no supa  nafatin Povu Maubere nia bokur.

Kandidatu membru VIII Governu sira ne’ebé naran sai (?) ne’e públiku hotu hatene sira infrenta hela justisa, tanba saida mak sira tenki simu posse, ka  simu posse atu salva sira nia an ho imunidade.

A’at liu kandidatu membru Governu VIII balun antes ne’e lidera ministru ida deit ministeriu ne’e la lao , agora ministru rua tau hamutuk pois nia lidera, ida ne’emak hanaran Mudansa ba Progresu??????????????

Iha Parlamentu Nasional, lori maioria atu impoin sira nia hakarak, opozisaun nia ideia no hanoin diak atu hadia tau ses ba kotuk, ida nemak demokrasia ne’ebé Timor oan hotu hakarak, hau sente lae karik!

Bainhira Excelentismu Primeiru Ministru José Maria  Vasconselho sei asumi kargu Prezidenti da Repúblika ba iha Parlamentu Nasional  koalia konaba Estadu no Nasaun hatete, demokrasia iha  TL iha dalan rua deit, demokrasia klasiku maioria no  minoria,  ida seluk mak reforsu koezaun politika no social para dezenvolve TL, tuir Excelentismu Primeiru Ministru José Maria  Vasconselho iha momentu ne’eba hatete, TL hili  reforsu koezaun politika no social para dezenvolve TL tanba demokrasia laos fim maibe meus.

Maibé ohin, iha implementasaun sai oin seluk demokrasia klasiku maioria ho minoria mak ejiste iha ita nia rain ne’ebé kontradis ho kontekstu real sosiedade TL nian.

Povu hotu hein Mudansa ba Progresu laos estatus quo, laos defende fali korruptor sira!

Povu hakarak demokrasia ida ideal no tuir kontekstu real Timor-Leste nian!

Espera labele akontese demokrasia ne’ebé  giadu husi Ditador ida!!!!!!!